Приведен дилер на кокаин, пронајдена и муниција во неговиот дом

од Nikola Popovski

Според МВР, на 28 09.2020 околу 13.00 часот, врз основа на судска наредба, полициски службеници од Единицата за недозволена трговија од СВР Скопје во соработка со Одделот за криминалистичка полиција при МВР извршија претрес во домот на 29-годишниот М.В. од Драчево, Скопје.

„Осомничениот 29-годишник, на 28 септември, во неговото живеалиште на улицата „Бранко Заревски” и на адресата на која непријавено престојувал на улица „Париска” во Скопје, неовластено заради продажба држел наркотична дрога – марихуана спакувана во зипер кеса, две целофански пакувања и бело најлонско пакување со вкупна нето маса од 29 грама, 27 семки од растение кое припаѓа на растителниот род – Cannabis, како и наркотична дрога – кокаин во две најлонски пакувања со вкупна нето маса од 3,77 грама. При претресот била пронајдена и дигиталната вага со остатоци од кокаин. Тој недозволено држел и муниција – 30 куршуми со калибар 6,35 наменети за огнено оружје – полуавтоматски пиштол“, соопштија вечерва од Јавно обвинителство на Република Северна Македонија.

Надлежниот обвинител до судијата на претходна постапка од Основниот кривичен суд Скопје, се наведува во соопштението, доставил предлог за определување мерка притвор за осомниченото лице, бидејќи постојат околности што укажуваат на опасност од криење односно дека ќе се даде во бегство и постојат особени околности кои го оправдуваат стравот дека ќе го повтори кривичното дело.

loading...

Слични содржини