„Сите го видовме лицемерието на политичарите во Северна Македонија. Ќе продолжиме да се соочуваме со лицемерие. Ништо не е готово – оваа рунда ќе заврши на 8 декември”, рече археологот проф. Николај Овчаров за БНТ.
Според него, не бил можен друг договор во 2017 година.
„Договорот меѓу Грција и Македонија е за територија, а кај нас работите се покомплицирани – не станува збор за територија, туку за население и народ. Според нив, ова удира по темелите на самата македонска држава. Ако го прифатат сето ова, тие ќе останат не без историја, туку без ‘рбет, преку кој можат да градат држава“, објасни тој.
Според новинарот Коста Филипов, постои висок степен на незадоволство, фрустрација, гнев во Северна Македонија. Земјата што ја сметаат за најблиска и сосед, рече „не“ и ја запре оваа природна патека на Скопје кон европска интеграција.
– Тоа е малку повеќе емоции отколку здрав разум. Не Бугарија, туку тие самите со нивото на нивната демократија се проблем што тие мора да го осознаат и да направат преоценка сè што сториле и што не сториле, рече тој за БНТ.
Во врска со стравувањата дека Скопје може да користи механизми за да го заобиколи бугарското вето, новинарот додаде дека одлуките донесени во ЕУ се со консензус.
„Ако некоја земја не се согласи, тогаш не може да се донесе одлука. Лично, ќе бидам заинтересиран да ги видам механизмите за заобиколување на Бугарија“, додаде тој.