Европските производители на лекови предупредија дека би можеле да престанат да произведуваат некои евтини генерички лекови поради зголемените трошоци за електрична енергија, повикувајќи на ревизија на начинот на кој се утврдени нивните цени, што е најнова индустрија која бара помош во услови на продлабочената енергетска криза.
Лоби-групата на индустријата за генерички лекови, „Лекови за Европа“, која ги застапува фармацевтските компании како „Тева“ и „Новартис Сандоз“, во вторникот испрати отворено писмо до министрите за енергетика и здравство на земјите-членки на Европската унија, пренесе „Ројтерс“.
Управниот директор на групацијата „Лекови за Европа“, Адријан Ван Ден Ховен, изјави за „Ројтерс“ дека повисоките трошоци за енергија го погодуваат секторот, кој е принуден да се консолидира поради притисокот на цените, оставајќи го пазарот поранлив во смисла на прекини во снабдувањето и недостиг на лекови.