Проширена листата на симптоми на КОВИД-19: Рани знаци на кои треба да се внимава

од Stefanija Kuzmanovska

Листата на познати симптоми на КОВИД-19 е повторно проширен. Сега на неа се наоѓаат и чувство на слабост, шеќер во крвта и гастроинтестинални тегоби.

По анализата на 12.000 пациенти кои ги посетиле службите за итни случаи во пет њујоршки болници, истражувачите откриле дека 57,5 ​​проценти од пациентите позитивни на КОВИД-19 се жалат на чувство на слабост. Исто така, 55,5 проценти од пациентите имале шеќер во крвта надвор од контрола, а 51,4 проценти од пациентите главно се жалеле на гастроинтестинални тегоби.

Студијата, неодамна објавена во научното списание American Journal of Medicine исто така откри дека пациентите постари од 65 години се жалат повеќе на атипични симптоми, како што се дијареја, замор и слабост. Понатаму, студијата открила дека пациентите кои биле дехидрирани, го смениле својот ментален статус (вклучително и чувство на слабост) или имале ненадеен пад на нивото на шеќер во крвта, имаат поголем ризик од смрт од компликации предизвикани од КОВИД-19.

Овие нови откритија можат да им помогнат на болниците да организираат подобра грижа за овие ризични пациенти, но исто така може да им помогнат на членовите на семејството и на луѓето кои работат со пензионери подобро да ги препознаат знаците на предупредување за нова инфекција со коронавирус, вели Кристофер Клифорд, коавтор на студијата од Медицинскиот факултет Icah во Њујорк.

Слични содржини