Полицијата во Белорусија приведе околу стотина демонстранти, како и новинари, кои излегоа во знак на протест против кампањата за реизбор на претседателот Александар Лукашенко.
Опозициските кандидати собираа потписи од приврзаниците во Минск пред да пристигне полицијата.
Александра Динко, известувач за белорускиот сервис на Радио Слободна Европа, беше приведена додека таа ги пренесуваше вестите во живо, заедно со снимателот Андреј Рабчик.
Так задержали корреспондентов Белорусской службы Радио Свобода в Минске. Где они – по-прежнему неизвестно – https://t.co/Ftfdn7fa8O pic.twitter.com/wStV0460uQ
— Радио Свобода (@SvobodaRadio) June 19, 2020
Во саботата, групата за човекови права „Вјсна“ објави дека за време на протестот биле уапсени најмалку 120 лица низ целата земја, а некои од нив се ослободени.
Претходно, белоруските власти го уапсија водечкиот кандидат на опозицијата, Виктор Бабарик, под сомнение за финансиска измама.
Некои опозициски активисти, новинари и блогери исто така се уапсени во последните неколку недели.
Претседателските избори во Белорусија се одржуваат во август, а досегашниот претседател Александар Лукашенко се кандидира за шести мандат.