Непосредно пред состанокот на Г7, Доналд Трамп повторно се закани на Европа со давачки. Во време на забавување на растот, тите, пред се, ја погодуваат Германија, јавува „Ди Велт“. Колку е Германија трн во очите на американскиот претседател, го покажува неговиот план за Европа.
Откако Доналд Трамп е претседател на Соединетите држави, тој беше на теренот за голф 226 пати. Во неговиот клуб во Бедминстер, Њу Џерси, американскиот претседател пречекуваше истакнати гости, како што се шефот на Apple, Тим Кук и претседателот на ФИФА, Џани Инфантино. Со фудбалскиот функционер, претседателот виртуелно ги распредели сите милијарди што треба да се влеваат во касата во САД и ФИФА од СП на ФИФА во 2026 година. Тим Кук, пак, мораше да му објасни на Трамп зошто давачките за кинеска стока не се нужно „паметни“ за САД. Загриженоста на компанијата со седиште во Калифорнија, која главно произведува во Кина, стравува од конкуренција во однос на Samasung, бидејќи Јужнокорејците имаат фабрики во сопствената земја и Виетнам, тврди „Ди Велт“. Уредите произведени таму се предмет на царини, различно од производите на Apple. Мисијата на Кук се чини дека е успешна. Трамп ќе размисли за проблемот со Apple.
Според „Ди Велт“, ова е типичен пример за соработка со американската влада. Секој што сака да постигне нешто со Доналд Трамп, некако мора да се пробие кај него. Освен претседателот на ФИФА, Инфантино, повеќето Европејци и покрај нивните најдобри напори, едноставно не се откажуваат, без разлика дали се премиери, менаџери или претставници на ЕУ.
Весникот потсетува дека претседателот на ЕК, Жан-Клод Јункер првично успеа да постигне некој вид прекин на огнот и да преговара за трговски разговори во јули 2018 година, но потсетува дека планираните преговори за царините за индустријата не биле официјално започнати. Наместо тоа, Трамп повторно се закани на најблиските сојузници наметнувајќи повисоки тарифи за автомобили, непосредно пред состанокот на Г7 во Бијариц, Франција, на 24-26 август и неговата последователна посета на Данска и Полска.
Трамп: „ЕУ нè третира ужасно“
„Ди Велт“ потсети на изјавата на Доналд Трамп во четвртокот во Њу Хемпшир.
„Европската унија е полоша од Кина, само помала“, рече Трамп за време на митингот.
„ЕУ нè третира страшно. Бариери, казни, даноци. тие се полоши од Кина, тие лошо се однесуваат кон нас. Ќе има „одговори“ за ова“, вел тој.
Во мај, Трамп ги одложи одлуките за царински давачки за автомобилите, меѓу другото, затоа што производителите на автомобили како VW ветија големи инвестиции во САД. Но, без одложување, Трамп потсети дека планот не е сосема пропаднат. Одлуката ќе ја донесе најдоцна во ноември. Тогаш истекува рокот, во кој владата на САД сака да забележи намален извоз на автомобили од ЕУ. Давачките би биле ужас за Германија, особено при забавената економија, коментира изданието. Според весникот, институтот Ifo проценува дека извозот на германски автомобили во САД би можел да се намали за скоро половина, што ќе резултира во загуби од над 18 милијарди евра на годишно ниво.
Федералната канцеларка Ангела Меркел, сепак, се воздржа да бара контакт со Трамп. Таа знае дека ова би било контрапродуктивно за прашањата на ЕУ. Ниту еден сојузник не го критикуваше Трамп исто како Германија, пренесува „Ди Велт“. Во својот коментар, тој истакна дека заедно со извозниот вишок, трн во очите на американскиот претседател се и гасоводот „Северен тек 2“ и ниското трошење за одбрана на Германија.
Трамп, по состанокот на Г7, демонстративно нема да патува за Германија. Тоа е единствената земја на Г7 што не ја посетил американскиот претседател, забележува „Ди Велт“. Весникот забележува дека односот на Трамп со францускиот претседател Емануел Макрон, исто така, драматично се влошил во последно време. Неодамна, 73-годишниот Американец јавно го нарече својот 41-годишен колега будала, потсетувајќи дека кон крајот на јули Франција воведе дигитален данок, со ретроактивно дејство од 1 јануари. Според експертите, данокот ќе погоди скоро 17 американски компании – од Google, преку Apple до Amazon. Трамп упати лути зборови на Twitter за „глупоста на Макрон“:
„Оној што треба да ги оданочува американските технолошки компании е нивната татковина“, пишува Трамп.
Трамп се заканува дека ќе се одмазди со давачки на француското вино
Не е тајна дека Трамп се закани со одмазда со високи давачки, веројатно на француското вино. За него се смета дека размислува за 100% давачки. „Увозот на помалку Бордо или Шардоне во САД нема да биде штета“, смета претседателот.
„Отсекогаш сум велел дека американското вино е подобро од француското вино“, напиша Трамп на Твитер. Сепак, набудувачите прашуваат како тој навистина го цени ова, откако во животот никогаш не испил чаша алкохол.
Уште сега, протекционизмот на Трамп има видливи последици. Според ММФ, економскиот раст на индустриските земји се намалил за 2,2 проценти во претходната година на 1,8 проценти во 2019 година. Трендот е во пад, што е фатално за Германија како земја извозник. Дефиницијата на Клеменс Фуст, претседател на Институтот ifo, е „отров за конјуктурата“. Ризикот од глобална трговска и валутна војна расте.
И покрај сите контрамерки што се подготвени, ЕУ се обидува да остане во контакт со Белата куќа, вели „Ди Велт“. Неодамна беше склучен договор за говедско месо меѓу Вашингтон и Брисел, кој му обезбеди на Трамп да биде во центарот на вниманието кај одгледувачите на животни и земјоделците. За седум години, САД ќе тројно ќеја зголемат понудата на говедско месо без хормони на 35.000 тони. Ова одговара на 80% од вкупната квота за увоз на ЕУ. Како резултат, снабдувањето од други земји, како што е Аргентина, се намалува.
Изданието смета дека со овие мали подароци ЕУ нема долго да се одбрани од напади на Белата куќа, но забележува дека сè уште нема паника во Брисел, бидејќи Трамп е зафатен со неговиот главен противник – Кина , и не сака да оди навлегува во трговската војна со ЕУ.
Весникот во својот коментар потсетува дека, дури и при потпишувањето на договорот за говедско месо, Трамп не пропушти да спомене дека работи за „давачка од 25% на сите Мерцедеси и БМВ кои доаѓаат во нашата земја“. По шокот меѓу присутните претставници на ЕУ, тој додаде дека станува збор за шега.
Сепак следната цел по Пекинг, тоа го знаат сите, може да биде Брисел.