Прва тужба во Германија против БиоНТек: Жена бара отштета поради последици од вакцината против ковид

од Stefanija Kuzmanovska
382 прегледи

Фармацевтската компанија „БиоНТек“ утре ќе се појави пред Окружниот суд во Хамбург по тужбата во која една Германка бара компензација за тешките последици од нивната вакцина против Ковид-19.

Ова е прва во серијата можни тужби против компанијата во Германија поради несаканите ефекти од вакцината.

Жената го тужи германскиот производител за најмалку 150.000 евра заради нанесување физички повреди и неутврдена материјална штета, се наведува во отштетното побарување за кое ќе решава Окружниот суд во Хамбург.

Жената тврди дека поради вакцината имала болки во горниот дел од телото, отечени нозе и раце и пореметување на сонот.

Нејзиниот адвокат, Тобијас Улбрих, изјави дека има намера да ја оспори оценката на германскиот регулатор и Европската агенција за лекови (ЕМА) дека вакцината на „НиоНТек“ има позитивен сооднос на користа и штетата.

Според германскиот закон, производителите на вакцини и лекови се предмет на тужби и барања за отштета доколку „медицинската наука“ покаже дека нивните производи прават несразмерна штета или ако упатствата на лекот се погрешни.

„БиоНТек“, компанијата која ја разви вакцината „Comirnaty“ во соработка со американскиот производител „Фајзер“, смета дека тужбата е неоснована.

Оваа вакцина е инјектирана врз 1,5 милијарда лица ширум светот, вклучувајќи и повеќе од 64 милиони Германци.

Слични содржини