ПУКАЊЕ ВО УЧИЛИШТЕ во Русија: Загинаа девет лица, меѓу нив и деца

Во пукање во училиште во рускиот град Ижевск загинаа најмалку девет лица, меѓу кои пет деца, а околу 20 лица се повредени, соопшти Рускиот истражен комитет.

Според прелиминарните извештаи, девет лица загинаа, меѓу кои двајца работници од обезбедувањето, двајца учители и пет деца, а има околу 20 ранети, изјавија истражителите за ТАСС, пренесува „Танјуг“.

Напаѓачот се самоубил.

Локалниот функционер Александар Бречалов објави дека меѓу жртвите во пукањето во училиштето во Ижевск има и деца.

Тој изјави дека непознато лице влегло во училиштето и го убило чуварот, а меѓу учениците има мртви и ранети.

Училиштето го посетуваат 982 ученици, а работат 80 наставници.