Пулишиќ ќе го продолжи договорот со Милан со подобрени финансиски услови

Американскиот интернационалец Кристијан Пулишиќ постигна договор со неговиот италијански клуб Милан за продолжување на договорот со подобрени финансиски услови, пишува весникот „Газета дело спорт“.

Платата на Пулишиќ ќе биде зголемена од 4 милиони евра по сезона на околу 5 милиони годишно, што ќе го направи еден од најплатените играчи на Милан.

Новиот договор на Американецот ќе важи до крајот на сезоната 2028/2029.

Тој беше привлечен од миланскиот клуб за 22 милиони евра во летото 2023 година.

Кристијан Пулишиќ моментално е водечки стрелец на Милан во сите натпреварувања заедно со Тијани Рејндерс, со по 12 гола. Во Серија А, напаѓачот има шест гола и шест асистенции.