Рускиот претседател Владимир Путин изјави денеска дека лицата кои ќе учествуваат на недозволени протести треба да бидат подготвени на одење во затвор и дека главите ќе бидат избричат главите при пристигнувањето во установата.
„Ако не добивте дозвола за протест, а сепак протестирате, тогаш ќе одите на бричење во затвор“, рече Путин со мала насмевка во интервју за руската новинска агенција Тас.
„Одморете се и опуштете се таму“, додаде Путин.
Новинарот на Тас тогаш праша колку долго би траела казната, три или пет години, на што рускиот претседател одговори дека е на судот да донесе одлука и додаде дека законите во некои земји за ваквите дела предвидуваат казна затвор „од пет или шест години“.
Путин, кој даде долго интервју по повод 20 години владеење, рече дека законот треба да се почитува.
„Ако не се случи тоа, тогаш оваа состојба би можела да експлодира во земјата и ние со тоа би дозволиле да се запалат автомобили на улиците“, рече рускиот претседател, пренесува Бета.
Неколку демонстранти добија до пет години затвор за нелегални протести. Законот предвидува демонстрантите да можат да се соберат само кога им е дадена дозвола. Многу претставници на опозицијата велат дека често е многу тешко да се добие дозвола за протести.
Во последно време, протестите во Русија се такви што само еден демонстрант стои сам со транспарент, затоа што само за овој вид протест не е потребна дозвола.