Откако веќе одржа говор пред потпишувањето на анексијата на четири украински провинции, Владимир Путин одржа уште еден говор пред загреаната толпа на Црвениот плоштад во Москва.
„Драги пријатели, ќе направиме се за да ги поддржиме нашите браќа и сестри во Запорожје и Керсон, и во Доњецк и Луганск. Ќе направиме се за да го подигнеме нивото на безбедност во овие области за овие луѓе. Ќе направиме се за да ја обновиме економијата и да ја обновиме инфраструктурата, да изградиме училишта, нови институции, болници.
"Victory will be ours"
Speaking at a concert in Moscow's Red Square, Vladimir Putin says "we will do everything" to support the people of Donetsk, Luhansk, Kherson and Zaporizhzia, as he announces the formal annexation of the four Ukrainian regions. https://t.co/X3flQUBL0r pic.twitter.com/zrZuf3zvO6
— Sky News (@SkyNews) September 30, 2022
Поздравен со овации и скандирања од толпата
Говорејќи за време на големиот концерт, тој рече дека денеска е „историски ден на вистината и правдата“. Рускиот претседател рече дека неговата земја „го отвора нашето срце“ за Украинците и ги пречекува дома, уште еднаш повторувајќи го своето верување дека Украина е дел од Русија. „Русија ја создаде модерна Украина давајќи ѝ територии, заедно со населението, без да ги праша што сакаат. Кога се распадна СССР, беше исто“, рече тој.
Гимн России. pic.twitter.com/WvdqoIh30Q
— Кремлевский пул РИА (@Kremlinpool_RIA) September 30, 2022
Изјавите на Путин беа проследени со овации, развиорени знамиња и патриотски скандирања од толпата. Зборувајќи пред десетици илјади луѓе, Путин рече дека „победата ќе биде наша“ додека вети поддршка за жителите на анектираната јужна и источна Украина. Тој ја повика толпата да навива за руската војска што е можно погласно, броејќи до три пред толпата да избувне во овации.
🚨#BREAKING: Crowd chants "Russia, Russia, Russia" in Moscow's Red Square as #Putin makes an appearance. pic.twitter.com/8uv8sdXEUA
— Breaking News 24/7 (@Worldsource24) September 30, 2022
„Вистината е на наша страна“
Путин, кој упорно инсистира на тоа дека Русија ќе ја добие војната со Украина, додаде: „Има моќ во вистината, а вистината е на наша страна. Победата ќе биде наша“.
Тој, исто така, ги повтори своите неосновани тврдења дека Украина „се обидува да ја искорени“ културата на луѓето кои живеат во регионите Луганск и Доњецк и вели дека жителите на тие региони „одлучиле да застанат на страната на својата татковина“ на т.н. референдуми кои Украина и Западот ги опишуваат како нелегални и нелегитимни.
Во претходниот говор, Путин беснееше против САД и тврдеше дека Западот ги загрозува традиционалните вредности.