Печатењето на повеќе долари за покривање на буџетскиот дефицит на САД влијае на целата светска економија, изјави денеска рускиот претседател Владимир Путин.
Според него, инфлацијата во САД надминала 5,0 проценти, додека целната стапка е околу 2,0 проценти, а САД веќе две години по ред прават буџет со дефицит од 15 проценти, пренесува агенцијата Тас С.
„Значи, тие го покриваат овој дефицит на штета на што? На сметка на емисија на доларот. Од таму доаѓа инфлацијата “, рече Путин, отворајќи состанок за економски прашања, на кој учествуваат највисоките руски финансиски, економски и монетарни службеници, пренесува Танјуг.
Тој додаде дека „се разбира, тоа целосно влијае на целата светска економија, имајќи ја предвид важноста на американската економија за целиот свет и улогата на доларот како најголема, најбарана резервна валута“.
Путин ги повика учесниците на состанокот да се фокусираат на начинот на кој руската економија ќе ги надмине последиците од пандемијата на коронавирус.
„Гледаме дека глобалното економско закрепнување генерално продолжува со прилично високи стапки, но овој процес е исто така поврзан со ризиците од инфлација“, рече тој.