Британскиот министер за надворешни работи Доминик Раб денеска ги отфрли обвинувањата на Кина дека Велика Британија се впуштила во грубо мешање во нејзините внатрешни работи.
„Ова не е грубо мешање во внатрешните работи“, рече Раб во интервју за „Ројтерс“.
„Тоа е прашање на доверба и многу земји ширум светот прашуваат дали Кина ги исполнува своите меѓународни обврски“, истакна британскиот министер.
Претходно истиот ден, кинескиот амбасадор во Лондон, Лиу Ксијаоминг ја обвини Велика Британија за грубо мешање и правење неодговорни проценки откако Пекинг воведе нов закон за безбедност во Хонг Конг.
Велика Британија соопшти дека наметнувањето на законите на Кина за безбедноста на Хонг Конг е јасно и сериозно кршење на Заедничката декларација од 1984 година и дека Лондон ќе им понуди на жителите од поранешната британска колонија пат до британското државјанство.