Бугарија како одговорен сосед и членка на ЕУ го активира механизмот за макрофинансиска помош на ЕУ и претседателката на ЕК Урсула Фон дер Лајен најави дека Република Северна Македонија ќе добие 80 милиони евра за снабдување со електрична енергија под овој механизам. Ние сме подготвени да го обезбедиме, изјавил бугарскиот претседател Румен Радев, на прашањето како Бугарија ќе и помогне на Молдавија со оглед на тешката енергетска криза во која се наоѓа.
-Со претседателот Санду разговаравме за можностите да се активира овој механизам и за Молдавија и подготвени сме за соработка, нагласил Радев.
-Бугарија е трет нето извозник на електрична енергија во Европа. Околу 2.000 мегавати секој ден, прецизирал бугарскиот претседател.
-Бугарија постигнала значителен успех во диверзификацијата на изворите и рутите за гас. Воспоставивме силни гасни врски со нашите соседи и удел во терминалите за ЛНГ. Последната аукција за снабдување со гас беше транспарентна и отворена, заедно ги спушти можностите за приклучување, двапати ја спушти цената на гасот, рече Радев.