Рама од Њујорк: Србија треба да го признае Косово

од Берта Китинска

Албанскиот премиер Еди Рама попладнево објави дел од говорот одржан вчера на Генералното собрание на Обединетите нации, каде се фокусира на прашањето за дијалогот Косово-Србија и односите меѓу нив.

Во својот говор, Рама рече дека „ништо не ја менува позицијата на Албанија дека Србија треба да го признае Косово и време е ќор-сокакот во дијалогот да се надмине со храброст, од двете страни, за да се постигне решителен договор поддржан од ЕУ и САД”.

Рама порача дека „најдобрата порака на Отворен Балкан, што сакам да ја споделам со вас денес е дека не е неопходно да се договориш за сè за да го оставиш зад себе темното минато и да градиме, чекор по чекор една поинаква иднина, справување со недоразбирањата на сè пољубезен начин и секогаш наоѓајќи сè повеќе и повеќе причини, оние добрите, за да се решат и недоразбирањата”.

-Зајакнувајќи ги односите со Србија и одејќи напред кон унапредување на билатералната и регионалната соработка, Албанија не мрдна и нема да мрдне ниту милиметар од својот непоколеблив став за поддршка на потребата секоја земја, дури и меѓу вас што не го сторила тоа, вклучително и Србија, да ја признае Република Косово, рече Рама.

Тој посочи дека е време Косово и Србија да го надминат „сегашниот ќор-сокак во нивниот дијалог и храбро да работат кон сеопфатен мировен договор, извршувајќи ги своите соодветни улоги за да усвојат договор поддржан од ЕУ и Соединетите американски држави“.

Слични содржини