Актуелно
Почетна / Препорачани / Расте загриженоста за грипот и вториот бран на коронавирусот: Може ли да се спречи најлошото сценарио?

Расте загриженоста за грипот и вториот бран на коронавирусот: Може ли да се спречи најлошото сценарио?

Загриженоста расте низ целиот свет за вториот бран на коронавирус, кој е најавен за наесен. Анксиозноста е поголема затоа што „традиционално“ во тој период од годината се јавува друга „вирусна“ болест – грипот.

Затоа, многумина стравуваат дека двата брана ќе се судрат и ќе предизвикаат поголема штета отколку што би направиле „независно“. Американскиот епидемиолог Мајкл Т. Остерхолм неодамна дури предупреди на „совршена бура“ што може да биде резултат на тоа, според анализата на германски „Фокус“.

Ева Хумерс, потпретседател на Германското здружение за општа и семејна медицина (ДЕГАМ) исто така верува дека би можеле да се бориме на два фронта во есен / зима.

„Бранот на грип доаѓа секоја година, понекогаш повеќе или помалку силно, но никогаш не исчезнува целосно. Не може да се исклучи понатамошно зголемување на случаите со корона – така што не е нереално да се комбинираат двете заразни болести. Факт е дека никој нема илузија дека коронавирусот туку така ќе исчезне“, вели Хумерс.

Ако двата бранови на инфекција се појават и се шират во исто време, старите лица и лицата со хронични заболувања се особено изложени на ризик.

„Можеме да имаме две тешки вирусни заболувања во исто време, кои можат да влијаат на истата група на луѓе, потенцијално дури и на двојна инфекција“, вели Хумерс, објаснувајќи дека не постои вкрстен имунитет. Со други зборови, нема шанси некој што има грип или обратно да биде заштитен од короната.

До денес, науката не знае скоро ништо за начинот на кој дејствува вирусот грип на „Ковид-19“. Не е познато дали текот на болеста се влошува како резултат на двојна инфекција – ниту дали се зголемува инфекцијата кај погодените лица.

Нема податоци ниту од Кина, бидејќи само неколку двојни инфекции се регистрирани на почетокот на епидемијата на коронавирус. И во јужната хемисфера, сезоната на грип штотуку започна. Засега, само едно е сигурно…

„Ако двата бранови се сретнат, здравствениот систем во Германија може брзо да ги достигне своите граници“, вели Хумерс, па може само да се претпостави што ќе се случи во земји со помалку развиени медицински системи.

Во моментов нема вакцина или ефикасен лек за Сарс-CoV-2. Истражувањето е во тек, но ќе трае најмалку уште една година – ако не и две – пред вакцината да биде широко достапна. Спротивно на тоа, вакцинацијата против грип се користи со децении.

Од таа причина, германскиот министер за здравство Јенс Спан објави дека оваа година дозата на вакцини против грип ќе се зголеми на 25 милиони – значително повеќе од кога било досега. Оваа година, експертите повикуваат не само бремените жени, хронично болните лица, старите лица и медицинскиот персонал да се вакцинираат против грипот, туку и оние кои не спаѓаат во ризични групи.

Сепак, Хумерс потсетува дека вакцината против грип не нуди 100% заштита од грип, бидејќи ефективноста на вакцинацијата зависи од различни фактори, најмногу од имунолошкиот одговор на секоја личност.

Мерките што сите можеме да ги преземеме за да се спречи или ослабне новиот бран на короната, а со тоа и грипот, веќе се познати на сите – маски за лице, одржување на социјална дистанца, хигиена на рацете….

„Овие заштитни мерки помагаат и против грипот и другите патогени“, вели Хумерс и потсетува дека примената на мерки против коронавирусот придонесе за ненадејно прекинување на бранот на грип на почетокот на пролетта.

loading...