Зинедин Зидан и Антонио Конте донеле одлука во само неколку часа да ја напуштат клупата на Реал Мадрид и Интер.
Зидан веќе се гледаше како поранешен, особено откако Реал остана без трофеј, а потврдата за заминувањето од Мадрид ја донесе италијанскиот новинар на Скај Спорт, Фабрицио Романо.
„Тој вечерва разговарал со неговите соработници и играчи и им рекол дека го напушт Реал. Во следните неколку часа ќе разговара со Флорентино Перез за да ја соопшти својата одлука, но тој дефинитивно заминува. Готово е“.
Zinedine Zidane has communicated tonigjt to people who work around him and players that he’s 100% leaving Real Madrid. Confirmed. 🚨⚪️
Zidane will speak with Florentino Perez and announce his decision officially in the next hours but he’s leaving. It’s over. ⏳ #Real #Zidane https://t.co/5mgJPfIOyD
— Fabrizio Romano (@FabrizioRomano) May 26, 2021
Французинот на овој начин го заврши својот втор мандат на клупата на „кралскиот клуб“, па навивачите на Мадрид ќе бараат нов тренер, додека Зидан ќе може да ги одмери понудите пред да се врати во фудбалот.
Од друга страна, заминувањето на Конте, иако на некој начин исто така најавено, доаѓа како големо изненадување. „Нероазурите“ убедливо ја освоија титулата, следната сезона требаше да биде чекор напред, со потенцијален напад на Лигата на шампионите, но финансиската криза, за која се дискутираше претходните недели, се чини дека доби сериозен пресврт, па сезоната 2021/2022 ќе биде многу потешка, особено затоа што клубот ќе игра на два фронта.
Сè уште не е познато каде би можеле да бидат двајцата тренери следната сезона, но нема сомнеж дека тие ќе бидат меѓу најбараните имиња, особено ако клупата на Јувентус биде испразнета.