Рекордни 3.603 нови случаи на ковид во Хрватска, најавено затворање на кафулињата

Денеска во Хрватска треба да бидат објавени нови построги мерки за спречување на ширењето на епидемијата на корона вирусот.

Како што пишуваат хрватските медиуми, се очекува во рамки на тие мерки, од сабота да бидат затворени кафулињата и рестораните.

Во последните 24 часа во Хрватска се регистрирани рекордни 3.603 нови случаи на заразени со корона вирус, со што бројот на активни случаи се зголеми на вкупно 20.691.