РИА: Во американската база во Калифорнија американските сили вежбаат борба со руската армија

Во американската воена база Форт Ирвин, чија мапа е пронајдена во борбено возило на пешадија „Бредли“ од Вооружените сили на Украина, се вежбаат битки со руската армија, пренесува руската агенција РИА Новости повикувајќи се на свои извори.

Агенцијата дошла до документ во кој се прикажани рутите на оклопните возила, засолништата, зоните за слетување и други ознаки, а откако борбеното возило било одземено од украинската единица во правец на Купјанск.

Националниот центар за обука Форт Ирвин е клучна локација за обука на американската војска и долго време е позната по тоа што служи како полигон за обука на локалните воени против потенцијалните ривали.

Конкретно, таму се симулирани битките на американските војници во Ирак и Авганистан.