Ринго Стар позитивен на коронавирус: Ги откажува концерти во Америка

Тапанарот на некогашниот легендарен бенд Битлси, Ринго Стар, ги откажа своите концерти ширум Северна Америка откако беше позитивен на коронавирусот.

Ринго Стар вчера ги откажа настапите во Мичиген и Минесота во САД, а неговиот тим најави дека поради болеста ќе бидат откажани и пет концерти во Канада.

Остатокот од турнејата зависи од опоравувањето на познатиот музичар.

„Ринго се надева дека ќе продолжи штом тоа биде можно и се опоравува дома. Како и секогаш, тој и неговиот бенд Ол старс им испраќаат желби за мир и љубов на своите фанови и се надеваат дека наскоро ќе се сретнат со нив на турнеја“, се вели во соопштението.