Отвореното првенство на Франција, најверојатно, ќе се одржи оваа година.

Претседателот на тениската федерација, Бернард Жудичели, барем го навести тоа.

Поради пандемијата од коронавирус, вториот Гренд-слем на сезоната беше одложен, а наместо во мај, треба да се случи во септември, само една недела по УС Опен.

„Разговараме со АТП, ВТА и ИТФ. Работиме на календар за крајот на сезоната. Прерано е да се зборува за специфични датуми“, рече Жудичели.

Тој истакна дека е избегнато најлошото сценарио.

„Ние го избегнавме најлошото. Не го откажавме турнирот. Само што требаше да го одложиме за неколку месеци. Најважно е што ќе се одржи натпреварувањето, дека ќе бидеме таму за фановите на тенисот. Го спасивме најважниот турнир на земја, и тоа е важно“, додаде тој.

Тој заклучи дека, доколку има „Ролан Гарос“, натпреварите ќе се играат пред публиката.

Слични содржини