Рома внимателно ја следи ситуацијата околу играчот од средниот ред на Атлетико Мадрид, Саул Нигез. 27-годишниот фудбалер уживаше во не особено успешна позајмица во Челси и на крајот се врати на „Ванда Метрополитано“. Сепак, тој не е дел од плановите на Диего Симеоне и веројатно „јорганџиите“ ќе бараат нов клуб за него. Така Рома може да ја искористи ситуацијата и да го привлече во својот тим, пренесе „Ил Месаџеро“.
Жозе Мурињо сака да го засили средниот ред за новата сезона. Тој ги фокусираше своите напори на Давиде Фратези од Сасуоло, но преговорите меѓу двата клуба сериозно заглавија во последните денови. Ова ги натера шефовите на Рома да бараат друга алтернатива во центарот на теренот и затоа тие се насочија кон Саул. Друга опција пред „волците“ е Усем Ауар од Лион.
Саул има договор со Атлетико до 2026 година, што ја прави неговата цена доста висока. Според Transfermarkt, тој моментално вреди околу 25 милиони евра. Рома веројатно нема да биде подготвена да издвои толкава сума за Шпанецот и поверојатно е дека ќе се обиде да го земе на позајмица со опција за купување.