Откако во јавноста протече сцена од документарниот филм на Амазон за Јувентус во кој Кристијано Роналдо им вика на соиграчите, објавено е видео на кое Португалецот жали за испаѓањето од Лигата на шампионите.
Викањето на Роналдо во соблекувалната се случи на полувремето од осминафиналето на Лигата на шампионите во Торино против Порто, при што гостите водеа со 1:0, откако во првиот натпревар на домашен терен победија со 2:1. Се чинеше дека мотивирачкото викање на Роналдо вроди со плод бидејќи Јувентус потоа сврте до 2-1 и имаше повеќе играчи на теренот, но потоа загуби во продолженијата со 3-2 и предвреме испадна од Лигата на шампионите.
По елиминацијата, камерите го снимија Роналдо како плаче како дете. Тој го покри лицето со рацете и буквално липаше, а изгледаше како да е сам во соблекувалната.
Роналдо беше платен од Јувентус за рекордни за Италија 112 милиони евра, но петкратниот освојувач на Лигата на шампионите за три години во Торино не успеа да ја донесе европската титула.