Русија бара извинување од Полска за инцидентот со амбасадорот

Русија побара официјално извинување од Полска и се закани со можни идни последици откако нејзиниот амбасадор Сергеј Андреев беше испрскан со црвена боја на советските воени гробишта во Варшава во понеделникот.

Руското Министерство за надворешни работи го покани полскиот амбасадор Кшиштоф Крајевски за да му испрати протестна нота и објави соопштение по тој повод.

„Русија очекува официјално извинување од полското раководство во врска со инцидентот и бара да се обезбеди безбедност на рускиот амбасадор и сите вработени во институциите на руското Министерство за надворешни работи во Полска“, се вели во соопштението.

„Понатамошните чекори ќе бидат решени во зависност од реакцијата на Варшава на нашите барања“, се додава во соопштението.