Русија ги казни Фејсбук и Телеграм, не бришеле спорна содржина

од Nikola Popovski

Во четвртокот, руски суд ја казни социјалната мрежа Фејсбук со шест милиони рубљи, или 81.350 долари, и апликацијата за размена на пораки Телеграм со 11 милиони рубљи, бидејќи не отстраниле незаконска содржина, што е нов удар во рускиот конфликт со големи технолошки компании.

Во последните месеци, Москва презеде чекори за регулирање и ограничување на моќта на социјалните мрежи и технолошките гиганти, изрекувајќи помали казни за нелегална содржина, обидувајќи се да ги принуди странските компании да отворат канцеларии во Русија и да чуваат руски лични податоци во Русија.

Московскиот суд во областа Тагански објави дека го казнил Фејсбук со шест милиони рубљи за две различни административни прекршоци врз основа на обврската на сопствениците на веб-страниците да бришат неовластена информација.

Телеграм е казнет за три различни кривични дела, соопшти судот.

Фејсбук и Телеграм сè уште не ги коментираа пресудите.

Рускиот суд се очекува да донесе одлука за две слични обвиненија против Твитер.

Русија го казни Твитер во април за отфрлање на барањата за бришење твитови во кои се повикуваат младите да протестираат кон средината на јануари против апсењето на Алексеј Навални, критичар на Кремљ, со вкупно 118.000 американски долари, а од тогаш содржината на таа мрежа споро се вчитува во Русија.

Слични содржини