Русија го отфрли предлогот на ОН за демилитаризација на областа околу централата Запорожје

Руското Министерство за надворешни работи денеска го отфрли предлогот на генералниот секретар на Обединетите нации, Антонио Гутереш, за демилитаризација на областа околу нуклеарната централа Запорожје, која е под контрола на руските сили, пренесува „Ројтерс“.

Портпаролот на МНР Иван Нечајев изјави дека предлогот е „неприфатлив“.

Нуклеарната централа во Запорожје беше заземена од руските сили во март, а нуклеарната централа е во близина на првите линии на фронтот и во последните денови често беше под оган, што предизвика многумина да стравуваат дека може да се случи нуклеарна катастрофа.