Русија соопшти дека нејзините сили вежбале симулирани нуклеарни ракетни напади во западната енклава Калининград, сместена меѓу Полска и Литванија долж балтичкиот брег.
Русија во средата вежбаше „симулирани електронски лансирања“ на мобилни балистички ракетни системи Искандер со нуклеарна способност, се вели во соопштението на руското Министерство за одбрана.
Руските сили вежбале единечни и повеќекратни напади врз цели кои имитираат ракетни фрлачи, аеродроми, заштитена инфраструктура, воена опрема и симулирани непријателски командни пунктови, пренесе АФП.
– По извршувањето на електронските лансирања, воениот персонал изврши маневар за промена на позицијата за да се избегне евентуален контранапад – додаваат од Министерството за одбрана.
„Борбените единици вежбаа и операции во услови на радијација и хемиска контаминација“, се вели во соопштението.
Се додава дека во вежбите во кои учествувале повеќе од 100 војници.