Руските медиуми јавуваат дека вработени во Федералната служба за безбедност при проверка на беспилотното летало кое падна во близина на Москва, во него пронашле експлозив.
Според нив, во дронот биле пронајдени два експлозиви С-4 со вкупна тежина од околу 1 килограм и четири полнења за рачен противтенковски фрлач на гранати. Тие инсистираат на тоа дека соборениот авион бил од странско потекло и дека беспилотните летала од овој тип ги произведува украинска компанија.
Сепак, украинската страна целосно ги демантира информациите дека собореното летало ѝ припаѓа на Украина.
– Україна не завдає ударів по території Рф. Україна веде оборонну війну з метою деокупації всіх своїх територій. Це аксіома…
– У Рф наростають процеси паніки й розпаду, проявом яких є збільшення внутрішніх атак невстановлених літальних об’єктів на об’єкти інфраструктури…— Михайло Подоляк (@Podolyak_M) March 1, 2023
Михајло Подољак, советник на шефот на кабинетот на претседателот Зеленски, изјави дека Украина не ја напаѓа Русија, туку води одбранбена војна со цел да ги деокупира сите нејзини територии и истакна дека тоа е аксиома.
Дополнително, Подољак изјави дека во Русија растат процесите на паника и дезинтеграција, чија манифестација е зголемување на внатрешните напади од неидентификувани воздушни објекти врз инфраструктурни објекти.