Руската амбасада во Лондон со ПРЕДУПРЕДУВАЊЕ до Британија

Руската амбасада во Лондон на Твитер ја предупреди Велика Британија да не испраќа борбени авиони во Украина.

Вчера британскиот премиер, Риши Сунак изјави дека оваа опција е на маса.

Но, руската амбасада вели дека таквиот потег би имал „воени и политички последици за европскиот континент и за целиот свет“.

„Сакаме да го потсетиме Лондон: во таквиот развој на настаните, бројот на загинати во уште една ескалација, како и воено-политичките последици за европскиот континент и светот, би биле во рацете на Велика Британија“, велат тие, додавајќи дека „Русија би знаела како да одговори на таквите непријателски дејствија“.