Европската агенција за лекови (ЕМА) денес објави дека ги анализира податоците за ретки случаи на нарушувања на нервниот систем, пријавени меѓу примателите на вакцината „Џонсон и Џонсон“ против Ковид-19, откако САД додадоа предупредување за вакцината.
„Комитетот за безбедност на ЕМА ги анализира податоците обезбедени од „J&J“ за случаи на синдромот Гилен-Бареов (ГБС) пријавен по вакцинирањето“, соопшти ЕМА, додавајќи дека биле побарани дополнителни информации од Џонсон и Џонсон, објави Ројтерс.
Анализата на ЕМА уследи откако американската Администрација за храна и лекови (ФДА) вчера постави ознака за предупредување на GBS на листата со податоци за вакцините од компанијата, и откако ЕМА издаде предупредување за вакцината АстраЗенека, пред четири дена, поради потенцијални несакани ефекти.
Околу 12,8 милиони луѓе примиле вакцина за единечна доза на Џонсон и Џонсон во САД, додека компанијата распределила 18,6 милиони дози на земјите од ЕУ, според податоците на Европскиот центар за превенција и контрола на болести