САД: Курти да го одложи спроведувањето на одлуката за табличките

Советникот на Стејт департментот, Дерек Шоле изјави дека побарал од премиерот на Косово, Албин Курти, да ја одложи одлуката за регистарските таблички.

Дерек Шоле на својот Твитер профил, а по телефонскиот разговор со Курти изјави дека главна тема на разговорот е избегнување на понатамошна ескалација.

„Одложете ги казните за регистарски таблички, оставете ја отворена вратата за враќање на косовските Срби во институциите и фокусирајте се на нормализирање на дијалогот со Србија – најдобар начин за подобрување на европската и евроатлантската интеграција на Косово“, напиша Шоле.