САД нудат 15 милиони долари за информација за апсење на Мадуро: Обвинет е за „нарко-тероризам“

Државниот секретаријат на САД нуди 15 милиони долари како награда за информации што ќе доведат до апсење на венецуелскиот претседател, Николас Мадуро.

По неуспешниот пуч минатата година, САД денес го обвинуваат Мадуро за „нарко-тероризам“.

Покрај големата награда, секретаријатот на државата, исто така, нуди 10 милиони долари за секоја информација за кој било од петте политичари и воени лидери на Венецуела, кои се обвинети дека помагале во дистрибуцијата на наркотици од таа земја, јави Раша Тудеј.

Да потсетиме дека Вашингтон повеќе од една година се обидува да го собори Мадуро. Минатиот јануари, Хуан Гуаидо се прогласи за претседател и доби поддршка од САД за тоа.