Соединетите Држави денеска ги прогласија криминалната група Трен де Арагва, картелот Синалоа и другите нарко-картели за глобални терористички организации, се вели во соопштението на Федералниот регистар.
Во соопштението на американскиот Стејт департмент се вели дека овие групи претставуваат ризик за националната безбедност, надворешната политика и економските интереси на САД, објави Ројтерс.
Откако ја презеде функцијата на 20 јануари, американскиот претседател Доналд Трамп издаде извршна наредба со која ги повика официјалните лица да проценат дали некој криминален картел или транснационална банда треба да биде означена како терористичка група.
За време на неговиот прв мандат од 2017 до 2021 година, тој размислуваше да прогласи картели за терористички групи, но на крајот ги откажа плановите.
По преземањето на функцијата на 20 јануари, Трамп, исто така, им нареди на највисоките функционери да преземат чекори за да се подготват за повикување на Законот за воени овластувања од 1798 година, кој ќе му овозможи да ги депортира осомничените членови на банда без судење, пренесува Танјуг.