На иницијатива на романската организација „Сојуз на родители“, околу 3.000 демонстранти се собрале денес пред зградата на парламентот во Букурешт за да изразат незадоволство од нацрт-законот за задолжителна вакцинација против Ковид-19, за кој во моментов се расправа во парламентот, додека властите најавуваат нови мерки.
„Ние не сме против вакцинацијата, туку за слободата сами да одлучуваме за тоа“, гласи слоганот на протестот, пренесува „Аџерпрес“.
Предлог-законот вклучува задолжителна вакцинација на целото население, вклучително и децата, и огромни казни за секој што ќе одбие да се вакцинира.
LOOK: Nearly 3,000 anti-vaccination protesters from across Romania converged in Bucharest on Sunday as authorities announced new restrictions amid a rise of Covid-19 infections pic.twitter.com/aBjPDfY7dT @Quicktake
— btcn asia (@btcnasia) March 7, 2021
Поминаа помалку од шест недели од олеснувањето на ограничувањата на пандемијата во Букурешт, но зголемувањето на случаите ги натера властите повторно да воведат поостри мерки во период од 14 дена, почнувајќи од понеделник.
3,000 at Romania anti-vaccination protest amid COVID-19 rise https://t.co/G3UoZSXTY6 pic.twitter.com/1pULwslDOI
— CNA (@ChannelNewsAsia) March 7, 2021
Многу демонстранти вееле романски знамиња и скандирале „слобода“ и „маските долу“. На големиот натпис пишувало: „Кажи не на присилната вакцинација“.
На демонстрациите присуствувал Георги Симион, лидер на крајно десничарската партија АУР во Романија, која се изјаснила против задолжителната вакцинација.
Во исто време треба да се воведат поостри мерки во Темишвар, град со повеќе од 400.000 жители, кој влегува во карантин откако стапката на инфекција се зголемила над седум на 1.000 жители.