Речиси е средината на јуни, но Samsung сè уште не објави кога ќе продолжи со продажбата на паметниот телефон со дисплеј на преклоп, Galaxy Fold.
Потсетуваме дека уште пред да започнат продажбите во крајот на април некои од тест примероците, до кои дојдоа медиумите, покажаа фатални дефекти во дисплејот, што ја принуди компанијата да ја одложи продажбата, за да се подобри цврстината на уредот, кој чини 2000 долари.
Корејците објавија дека ќе објават во наредните недели кога ќе продолжат со продажбата, но ваквите информации сé уште не се достапни.
Според CNET, Samsung сè уште планира да го понуди на Galaxy Fold на потрошувачите и ќе го објави новиот датум за неколку недели. Неколку недели е „растеглив“ концепт, па повторната пазарна премиера може да биде среде летото – овој месец или во јули.
Во август очекуваме објавување на Galaxy Note10, и можно е Samsung да го објави Galaxy Fold порано, за да не ги соочи двата модели еден против друг.