10
Напаѓачот на Баерн Минхен, Лерој Сане, ја одбил понудата да се пресели во саудискиот клуб Ал-Итихад, објави „Скај Спортс“.
Ал-Итихад му понуди на играчот четиригодишен договор за вкупно 100 милиони евра, но Сане одлучи да остане во Баерн и планира да потпише нов договор со клубот, се вели во извештајот.
Се очекува договорот со Баерн да биде потпишан наскоро, во следните две недели.
Договорот ќе важи до 2028 година. Според условите на договорот, Сане ќе добива основна плата од 10 милиони евра по сезона, која може да се зголеми на 14 милиони евра и 16 милиони евра со бонуси.
Сане игра за Баерн од 2020 година. Оваа сезона одигра 42 натпревари, постигна 12 гола и имаше пет асистенции.