Менторот на Јувентус, Маурисио Сари, призна дека една од неговите големи цели во тимот е да му помогне на Кристијано Роналдо да ја освои својата шеста „Златна топка“.
„Би сакал да му помогнам на Кристијано да ја освои шестата „Златна топка“. Лошо е да се знае дека некој освоил повеќе „Златни топки“ (Лионел Меси со 6) од него. Размислувам за Роналдо и како да му помогнам. Ова е мојата цел и таа на тимот. Така е за него. Тој не играше против Удинезе бидејќи крена температурата пред мечот“, изјави Италијанецот.
Тој пофали и друга ѕвезда на тимот – Пауло Дибала.
„Дибала ќе биде меѓу кандидатите за наградата во наредните години. Тој е врвен играч. Како и секој, кога станува посигурен и во вистинска возраст, тој игра како врвен играч. Не сум убеден дека тренерот може да научи врвен играч нешто. Дибала ќе остави белег на светскиот и европскиот фудбал во наредните години. Тој е на вистинската возраст за ова и има уште многу години фудбал во себе. Тој е многу сигурен во моментот по неколку тешкотии во минатото“, изјави Сари по синоќешната победа од 4:0 над Удинезе за Купот на Италија.
Тој, исто така, го опиша првиот гол на Гонзало Игуаин на натпреварот како„ретка убавина, што си ја заслужува цената на билетот“.