2022 година ја завршивме со 43 милиони евра странски инвестиции во Технолошко индустриските развојни зони. За истиот период во ТИР зоните се отворија 2.300 работни места, со плати кои се повисоки од државниот просек, изјави портпаролката на СДСМ, Богданка Кузеска.
Таа истакна дека продолжува засилената државна помош кон компаниите.
-2022 година ја завршивме со рекордна исплата од 23 милиони евра, како и рекорден број на поддржани компании, односно 410 компании по Законот за финансика поддршка на инвестиции. Бројот на компании како и буџетот за поддршка расте секоја година, од 2017 година па наваму. Во 2022 година имаме зголемување од 79% проценти на исплатена финансиска поддршка односно од 12,9 милиони во 2021 на 23 милиони евра во 2022 година, рече Кузеска на прес-конференција во седиштето на партијата.
Според неа, сето ова дава огромен придонес во одржување на економската стабилност, но и во растот на платите и намалување на невработеноста.