СДСМ: Мицкоски ќе ги изгуби изборите во 2024 година

од Vladimir Zorba

„Парламентарните избори ќе се одржат во 2024 година и на тие избори Мицкоски ќе загуби. Очајните постапки на Мицкоски и неговите изјави се лажни и единствено му служат за внатрешна употреба во ВМРО-ДПМНЕ. Таква е и последната изјава дека ќе освоел 61 пратеник, слична на изјавите на Никола Груевски. Редовни избори во 2024 година е она што го плаши Христијан Мицкоски. Знае дека го чека пораз. “, велат во својата реакција од СДСМ на денешните изјави на лидерот на опозицијата.

„Што сака Мицкоски да сокрие? Градоначалниците од ВМРО-ДПМНЕ се големо разочарување за граѓаните, за шест месеци не сработеа ништо, немаат ниту еден свој реализиран проект, тоа се најслабите градоначалници досега.

Мицкоски не успева да го одбрани криминалот на Никола Груевски и ВМРО-ДПМНЕ, следува одговорност за сите криминалии.

Не успева да го блокира Собранието, неговите деструкции се поразени.

Постои незадоволство во ВМРО-ДПМНЕ од неговите лаги и неспособност, сака да купи уште некој месец за да прикаже дека нешто работи.

Граѓаните го читаат Мицкоски како Буквар и знаат дека не вреди да се закочи, да се блокира и да и се наштети на државата само за тој да си ја задржи својата фотелја во белиот дворец. Тоа го знаат и внатре во ВМРО-ДПМНЕ“, се вели, меѓу другото, во реакцијата од Бихаќка.

Слични содржини