СДСМ: Повикот за членови и претседатели на комисиите на СДСМ е во тек

од Берта Китинска

Повикот за членови и претседатели на комисиите на СДСМ е во тек, остануваме предводник на промените, велат од СДСМ додавајќи дека остануваат главен двигател на промените, „партија која победува, но и постојано се менува“.

Промените во СДСМ, велат, се случуваат и во работните тела на партијата. Отворен е повикот за пријавување на кандидати за претседатели и членови на секретаријати на постојани работни тела, односно Комисиите на СДСМ.

Ги охрабруваме граѓаните, членовите, сите заинтересирани лица, да се пријават за член или претседател на една од вкупно 19 комисии на СДСМ, поделени по соодветни ресори.

Сите граѓани кои имаат желба и стручност, кои се докажани и посветени во својата област на делување, лица кои уживаат углед и доверба од јавноста и кои се подготвени да придонесат во креирање и развој на политиките на СДСМ да се пријават на повикот кој трае до 11 јуни.

Овие работни тела на партијата се од исклучителна важност за изготвувањето на изборните програми, за процесот на создавање мерки и политики кои го унапредуваат квалитетот на животот на сите граѓани и се во интерес на државата.

Отвореноста е еден од клучните вредности и еден од столбовите на новата политика. Ги отвораме вратите за сите оние кои се блиски до или се заинтересирани за идеите на социјалдемократијата, а досега не биле активно вклучени во политичкиот живот во државата.

Пред нас е ново четиригодишно поглавје, со јасно зацртани цели, пат кој води кон развој, напредок, економски раст и интеграција, се вели во утринското соопштение од партијата.

Слични содржини