СДСМ: Со пресудата за Мијалков, стигна правдата за над 20.000 граѓани

од Nikola Popovski

„Правдата е тука, иста за сите, законите важат за сите подеднакво, времето на привилегирани пред законот, времето на партизирани пресуди и обвиненија по нарачка заврши. Правосудниот систем, како независна власт , ги има сите услови да води истраги и процеси без влијанија, без притисоци, да спроведува обвинителска и судска постапка во која најважни се доказите и законите, за секого подеднакво“, велат од владеачката СДСМ преку соопштение.

Според нив, пресудата против обвинетите во предметот „Таргет-Тврдина“ покажала дека судството е ослободено.

„Со неа, стигна правдата за над 20.000 граѓани, кои незаконски биле прислушувани од страна на Сашо Мијалков и ВМРО-ДПМНЕ, само затоа што мислеле и делувале поинаку од ВМРО-ДПМНЕ.

Истовремено оваа пресуда е пораз на извршителот на Мијалков и Груевски, Христијан Мицкоски, кој не успеа да го спаси криминалот на ВМРО ДПМНЕ

Мицкоски останува осамен на браникот на криминалот, поразен од правдата, поразен од граѓаните.

Да се создадат услови за чист пат за правдата не беше лесно, но сега правдата е тука, очекуваме и сите други случаи и предмети, коишто се покренати од Специјалното јавно обвинителство и од другите обвинителства, да добијат разрешница и одговорните да бидат соодветно казнети.

Во Република Македонија се случува правда и се почесто ќе бидеме сведоци на спроведена правда“, велат од СДСМ.

loading...

Слични содржини