Се урна борбен авион во Грција

Грчките спасувачи трагаат по двајца пилоти на борбениот авион Ф-4, кој денес за време на обука се урна во Јонското Море во западна Грција, јави државната телевизија.

Авионот со две седишта наводно се урнал на 46 километри јужно од аеродромот Андравиде на Пелопонез.

Медиумите објавија дека двајца пилоти се катапултирале од авионот, но властите не можеле да ја потврдат таа информација, пренесе Ројтерс.

Грција го набави првиот ловец Ф-4 од САД во 1974 година.