Советот за етика во медиумите на Македонија, нагласувајќи ја значителната улога на медиумите во однос на претстојните избори, и понатаму ќе продолжи да работи на олеснување и поттикнување на процесот на саморегулација и доследна примена на етичките и професионалните стандарди на професијата. Предизвикот на објективноста, независноста и рамнотежата во медиумите е нешто со што тие се соочуваат секојдневно, но не постои подобар тест за нивната професионалност од изборите.
Осумдесетина претставки против текстови во медиуми годинава се поднесени до Комисијата за етика при Советот за етика во медиумите на Република Македонија, а околу 130 за година и половина, колку што постои ова тело, информираа денеска од СЕММ.
Претседателот на СЕММ Драган Антоновски истакна дека сега е време дас е вложи во саморегулацијата за да не дозволиме некој друг да не регулира и предупреди:
Слободата на говорот, значи слободно да ги изборате темите, слободно да пишувате за секоја тема, а воопшто слобода на говор не значи лупетање пред камера , да лажете да пуштате полувиситни и да бидете слободно на страната на пропагандата, туку целта е витинитото , навремено и точно информирање
Тоа се правилата ако сакаш да се нарекуваш новинар , да бидеш на страна на професијата, другото е бербатење уништување и ставање на професијата не во интерес на информирање на граѓаните, туку во функција на политичките и бизнис елити во функција на лажење , спинување и дезинформирање на јавноста, истакна Антоновски.
Извршниот директор на СЕММ, Марина Тунева, ги повика медиумите на саморегулација за да се запазат етичките норми во новинарството.
– Помина повеќе од половина година откако беше потпишана Повелбата за етичко известување за избори, а претставките сè уште стигнуваат. Наместо да се подобри состојбата во медиумите, таа е влошена – изјави Тунева.
Од СЕММ најавија засилено следење на медиумите и уште еднаш повикаа да се почитува Повелбата, во која јасно се посочени насоките за известување на медиумите во предизборниот и во изборниот период.
Мирче Адамчевски од претседател на комисијата за жалби на СЕЕМ вели дека најголем дел од поплаките се однесуваат на текстови од порталите и поради тоа што тие не се регулирани, се очекува нивниот број драстично да се зголеми во предизборниот период.
– Речиси и да нема претставка во која не е наведено дека во текстот ја нема втората или третата страна. Голем дел се однесуваат, исто така, и на говор на омраза – рече Адамчевски.
Претседателот на СЕММ Драган Антоновски предупреди и дека решените претставки до СЕММ од комисијата за жалби, и покрај тоа што некои не ги објавуваат, ќе се сметаат за опомена што во натамошниот процес ќе значи и губење на правото на медиумот да биде избиран во органите на СЕММ. До колку тоа се повторува може да дојде и до иклучување на медиумот од членството во СЕММ, особено за тие кои се потписници на Повелбата за фер и етичко известување за време на изборите.
- „Знаете, партиите веќе не ги чекаат кампањите за да ефектуираат излажат и дефукусираат, во борба за гласачите. Во изборините кампањи само се мери квантитативно кој колку пренел, а квалитативното се одработува сега , а самиот ден на избороите е проткол и тука работата одамна е завршена во овој предизборен период и нешто во самата кампања на изборите. Треба да се знае дека тоа , сега го вршат медиумите кои се на услуга на политичките елити. Новинарството мораме да потенцираме не е пропаганда тоа е нешто друго, а оваа што премолчено се прави во дел од „македонското новинарство “ е само соучесништво во урнисувањето на професијата, професионалните стандарди, а со тоа и на демократизацијата на државата, истакна Антоновски.
За таа цел, ги повикуваме медиумите да дејствуваат како стожери на јавниот интерес и заштита на јавното добро и обединување на медиумските професионалци во консолидирање на поставеноста на новинарската професија во општеството.
Апелираме за поддршка на саморегулацијата од страна на медиумите преку одговор на легитимните поплаки од јавноста и коригирањето на грешките и недоследностите во известувањето заклучи извршниот директор Марина Тунева.
„Медиумите не смееат да дозволат да бидат арена за натпревар во која најмоќните ќе се изборат да доминираат со одредени пораки, а новинарите ги потсетуваме да бидат искрени кон публиката, но и искрени кон фактите, за да не влезат во стапицата на застапувачкото новинарство. Во интерес на етичкото и професионално работење, од медиумите очекуваме да не се претворат во разгласни станици на политичките партии, а со јавноста е потребно да комуницираат редовно и да ја информираат квалитетно за сите политички процеси и актери во изборниот процес, избегнувајќи едноставна репродукција на настаните и зборувајќи повеќе за контекстот на случувањата и нивната анализа. Медиумите имаат обврска да им помогнат на граѓаните да се едуцираат за своите демократски права, да се информираат за текот на кампањата и севкупно за целиот изборен процес„ истакна Тунева.