Генералниот секретар на НАТО, Јенс Столтенберг изјави дека Русија продолжува да вооружува и да обучува проруски сепаратисти во источна Украина и ја повика Москва да ги почитува прекинот на огнот преку целосно повлекување од конфликтот, соопштува Ројтерс.

Запрашан на прес-конференција за американски дипломатски коментар дека руски тенкови ја преминале украинската граница во изминатите денови, тој одби да коментира директно, но истакна: “Ние … сеуште го гледаме руско присуство и цврста поддршка за сепаратистите во источна Украина. Забележуваме набавки на опрема, сили, обука. Русија се уште е во источна Украина “.

“Затоа ние ја повикуваме Русија да ги повлече сите свои сили од Источна Украина и да ги почитува договорите од Минск”, појасни тој.

Во меѓувреме украинскиот воен портпарол соопшти дека еден војник загина, а четворица се повредени во судирите во источна Украина за последните 24 часа, иако е склучено примирје.

Инаку Столтенберг, рече дека не е јасно каде се повлечени најтешките оружја од двете завојувани страни. Тој предупреди дека примирјето во Украина е “кревко”.

Сите набљудувачи на место треба да имаат слобода на движење и безбедност, за да ја завршат својата работа, витално е прекин на огнот да биде забележан, прецизира генералниот секретар.

Столтенбер соопшти дека НАТО е “разочаран” од одлуката на Русија да го прекине спроведувањето на Договорот за конвенционалните вооружени сили во Европа.

Шефот на НАТО, исто така, коментираше дека вежбите на Алијансата во Црното Море и испраќањето на американска воена техника во Балтикот се поврзани со одбрана и се во согласност со меѓународните обврски на пактот.

Во врска започнатата од претседателот на Европската комисија Жан-Клод Јункер дебата за паневропска армија Столтенберг смета дека не треба да се дуплираат со НАТО, бидејќи зајакнувањето на одбранбените способности нема да доведе до потребниот ефект.