Северна Кореја ги отвора границите за одбрани туристи: Првата група тргнува кон Расон

Кинеска туристичка агенција организира обиколка на градот Расон во Северна Кореја следната недела, што е уште еден знак дека земјата се отвора за странски туристи по пет години затворање на границите поради пандемијата Ковид-19.

„Џи­синг Хе­ји“, агенцијата од Пекинг, објави дека била информирана од севернокорејското туристичко биро дека туристичките дестинации во земјата официјално повторно се отвораат оваа година.
Кинеската агенција додава дека добила специјална дозвола од Северна Кореја да ја организира првата приватна тура за 10 туристи од Кина кои ќе го посетат градот Расон.
Турнејата ќе трае четири дена и чини околу 500 долари.