Сезонските вакцини против грип се очекува да бидат бесплатни за најранливите категории

од Aleksandar Petrovski

Оваа година сезонските вакцини против грип се очекува да бидат бесплатни за најранливите категории. Најавите за нов бран на пандемијата предизвика здравствениот систем да го вклучи алармот, објави Алсат.

Од Центарот за јавно здравје во Скопје велат дека вакцината за новиот сезонски грип во моментов е во подготвителна фаза и ќе се набави до есен.

Освен овие категории, цената на ваквата вакцина ќе чини 600 денари. За разлика од претходните години, здравствените власти годинава ќе понудат 60 илјади бесплатни вакцини за сезонскиот грип за да се зголеми бројот на лица кои ќе бидат имунизирани..

Според препораките на СЗО, за да се избегнат здравствените компликации од евентуалната комбинација на ковид-19 и вирусен грип оваа есен се очекува да се вакцинираат 20% од популацијата во нашата земја.

Минатата година, само 5% од населението беше вакцинирано, односно околу 45 илјади вакцини против сезонски грип.

Слични содржини