Носителката на ИЕ 3, Јагода Шахпаска денеска од Кратово, како еден од најстарите градови на Балканот, препознатлив по средновековните кули, подземни тунели, мостови и најстарите борови порача, „ да си го чуваме старото – историското, но и да си ја градиме и модернизираме државата.“
„За изминативе три години, нашата држава стана едно големо градилиште. Се градеа патишта, водоводни мрежи, канализации, мостови.
Но, не застанавме. И во вонредни околности продолживме со капиталните проекти и тоа со забрзана динамика.
Затоа што така и помагаме на економијата во многу важен период.“ –истакна Шахпаска.
Како инвестиции кои моментално се прават во Кратово таа ги посочи санирањето на мостот над Кратовска река, каде истовремено се работи и на коловозот и на пешачките патеки, но и реконструкција на пристапниот пат до Центарот за брза помош, а во план е и санирање на свлечиштето на регионалниот пат Кратово – Пробиштип.
„Поврзувањето на селата со градовите со патишта, со соседите преку автопатите и отворањето на гранични премини е од клучно значење и за граѓаните и за државата.
Затоа, продолжуваме да градиме 260 км автопати, 300 км експресни патишта, 900 км локални патишта. А рехабилитираме повеќе од 1.500 км постоечки патни правци.“-истакна Шахпаска.
Како веќе реализиран проект го посочи автопатот Миладиновци-Штип, а патните правци Штип-Радовиш и Штип-Кочани ќе бидат пуштени во употреба во следниот период.
Како дел од новата понуда на СДСМ ,Шахпаска ги посочи капиталните инвестиции во зелена, самоодржлива и енергетски ефикасна иднина, гасификацијата во државата, менување начинот на греење и енергетски ефикасни фасади на јавните институции, но и пречистителни станици со цел обезбедување на чиста вода за земјоделските полиња, како и градење на регионалните депонии за отпад.
„Наследивме хаос во неплански и недомаќински планови за патишта, трошоци за санирање на штетите, промашени траси, некомплетни проекти. Но го поправивме тоа и не запираме додека не изградиме современа држава.“-истакна Шахпаска .
Таа им порача на граѓаните дека СДСМ и коалицијата „МОЖЕМЕ“ , можат уште подобро и уште повеќе.