Шаман од Шри Ланка, кој направил пијалок што, како што тврдеше, ги штител луѓето од Ковид-19, починал од вирусот, потврди неговото семејство.
Елијант Вајт им давал на спортистите и политичарите напивка за која тој тврди дека „дошла кај него во сон“. Тој верувал дека истурањето на тој пијалок во реките ќе стави крај на пандемијата во Шри Ланка и соседна Индија.
Шаманот (48) се разболел на почетокот на месецот и бил префрлен во болница, каде што неговата состојба се влошила.
Неговиот пијалок јавно го поддржа поранешната министерка за здравство на Шри Ланка, Павитра Ваниарачи, која потоа поради короната поминала две недели на интензивна нега, пишува Би-Би-Си.
Вајт стана познат во последните години откако лечел неколку индиски ѕвезди на крикет, иако неговите „третмани“ биле одбиени од медицинската заедница. Тој бил консултиран и од премиерот Махинда Раџапакси, кој изрази сочувство на Твитер.
„Неговото наследство ќе продолжи да живее низ многуте животи што ги допре и излечи од разни болести“, напиша Раџапакса.
I’m deeply saddened by the sudden passing of Dr. Eliyantha White. My deepest condolences to his friends and family during this difficult time. His legacy will continue to live through all the lives, he touched and healed of various ailments. pic.twitter.com/UzlqHNsPgc
— Mahinda Rajapaksa (@PresRajapaksa) September 23, 2021
Изминатиов месец во Шри Ланка на сила е полициски час поради ширењето на варијантата делта. Според официјалните податоци, 12.000 луѓе починале од вирусот во земјата, а повеќе од половина милион биле заразени, но лекарите веруваат дека бројот на смртни случаи е двојно поголем.