Шекеринска: Нашите тројца мировници во Либан се безбедни

Министерката за одбрана Радмила Шекеринска на својот Фејсбук профил информираше дека тројцата наши мировници во УНИФИЛ во Либан се безбедни.

Во мисијата на Обединетите Нации УНИФИЛ во Либан се ангажирани тројца припадници на Армијата, но тие се распоредени и ги извршуваат своите задачи на безбедни локации надвор од Бејрут.

– Сочувство за сите жртви и повредени во разорната експлозија во Бејрут, со надеж дека повредените, меѓу кои и морнарички мировници на УНИФИЛ, чиј брод бил погоден во експлозијата на пристаништето во Бејрут, ќе закрепнат што побргу – напиша Шекеринска на Фејсбук.