Министерката за одбрана Радмила Шекеринска на социјалните мрежи им ги честиташе измените на Законот за служба во Армијата на припадниците на македонската армија.
Во измените е вклучен месечен додаток за станбено обезбедување во висина од 7 илјади денари, можност за порано заминување во пензија со износ од 80 отсто од десетте најдобри години. Овој систем до сега функционираше само во Министерството за внатрешни работи.
Измените вклучуваат и стипендирање на дефицитарни кадри, можност за воено-медицинскиот персонал да работи и во државното цивилно здравство, повисоки плати за сите цивилни лица во Армијата и повисоки отпремнини за пензионирање.
-Благодарност до парламентот што ги изгласа овие суштински измени, напиша Шекеринска на својот Фејсбук профил.